அருணாசல அக்ஷரமணமாலை

அருணாசலசிவ அருணாசலசிவ

அருணாசலசிவ அருணாசலா !

அருணாசலசிவ அருணாசலசிவ

அருணாசலசிவ அருணாசலா !

1 :

அருணாசலம் என அகமே நினைப்பவர்

அகத்தை வேரறுப்பாய் அருணசலா ! (அருணாசலசிவ ..)

2 :

அழகு சுந்தரம்போல் அகமும் நீயும் முற்று

அபின்னமாய் இருப்போம் அருணாசலா ! (அருணாசலசிவ ..)

3 :

அகம் புகுந்து ஈர்த்து உன் அக குகை சிறையாய்

அமர்வித்து என்கொல் அருணாசலா ! (அருணாசலசிவ ..)

4-

ஆருக்கா எனை அண்டனை அகற்றிடில்

அகிலம் பழித்திடும் அருணாசலா ! (அருணாசலசிவ ..)

5 :

இப்பழி தப்பு, உனை ஏன் நினைப்பித்தாய்

இனியார் விடுவார் அருணாசலா ! (அருணாசலசிவ ..)

6 :

ஈன்றிடும் அன்னையின் பெரிதருள் புரிவோய்

இதுவோ உனது அருள் அருணாசலா ! (அருணாசலசிவ ..)

7 :

உனை ஏமாற்றி ஓடாது உளத்தின் மேல்

உறுதியாய் இருப்பாய் அருணாசலா ! (அருணாசலசிவ ..)

8 :

ஊர் சுற்றும் உளம் விடாது உனைக் கண்டு அடங்கிட

உன் அழகைக் காட்டு அருணாசலா ! (அருணாசலசிவ ..)

9 :

எனை அழித்து இப்போது எனைக் கலவாவிடில்

இதுவோ ஆண்மை அருணாசலா ! (அருணாசலசிவ ..)

10 :

ஏனிந்த உறக்கம் எனைப்பிறர் இழுக்க

இது உனக்கு அழகோ அருணாசலா ! (அருணாசலசிவ ..)

11 :

ஐம்புலக் கள்வர் அகத்தினில் புகும்போது

அகத்தில் நீ இலையோ அருணாசலா ! (அருணாசலசிவ ..)

12 :

ஒருவன் ஆம் உன்னை ஒளித்து எவர் வருவார்

உன் சூதேயிது அருணசலா ! (அருணாசலசிவ ..)

13 :

ஓங்காரப் பொருள் ஒப்பு உயர்வு இல்லோய்

உனை யார் அறிவார் அருணாசலா (அருணாசலசிவ ..)

14 :

ஔவை போல் எனக்குன் அருளைத் தஎது எனை

ஆளுவது உன் கடன் அருணாசலா (அருணாசலசிவ ..)

15 :

கன்ணுக்குக் கண்ணாய்க் கண் இன்றிக்காண் உனைக்

காணுவது எவர் பார் அருணாசலா (அருணாசலசிவ ..)

16 :

காந்தம் இரும்பு போல் கவர்ந்து எனை விடாமல்

கலந்து எனோடு இருப்பாய் அருணாசலா (அருணாசலசிவ ..)

17 :

கிரி உரு ஆகிய கிருபைக் கடலே

கிருபை கூர்ந்து அருளுவாய் அருணாசலா (அருணாசலசிவ ..)

18 :

கீழ்மேல் எங்கும் கிளர் ஒளி மணி என்

கீழ்மையைப் பாழ்செய் அருணாசலா (அருணாசலசிவ ..)

19 :

குர்றம் முற்று அறுத்து எனைக் குணமாய்ப் பணித்தாள்

குரு உருவாய் ஒளிர் அருணாசலா (அருணாசலசிவ ..)

20 :

கூர்வாட் கண்ணியர் கொடுமையில் படாது அருள்

கூர்ந்து எனைச் சேர்ந்து அருள் அருணாசலா (அருணாசலசிவ ..)

21 :

கெஞ்சியும் வஞ்சியாய்க் கொஞ்சமும் இரங்கிலை

அஞ்சல் என்றே அருள் அருணசலா (அருணாசலசிவ ..)

22 :

கேளாது அளிக்கும் உன் கேடு இல் புகழைக்

கேடு செய்யாது அருள் அருணாசலா (அருணாசலசிவ ..)

23 :

கையினில் கனி உன் மெய்ரசம் கொண்டு உவகை

வெறி கொள அருள் அருணாசலா (அருணாசலசிவ ..)

24 :

கொடியிட்டு அடியரைக் கொல் உனைக் கட்டிக்

கொண்டு எஙன் வாழ்வேன் அருணாசலா (அருணாசலசிவ ..)

25 :

கோபம் இல் குணத்தோய் குறியாய் எனைக்கொளக்

குறை என்செய்தேன் அருணாசலா (அருணாசலசிவ ..)

26 :

கௌதமர் போற்றும் கருணை மாமலையே

கடைக்கணித்து ஆள்வாய் அருணாசலா (அருணாசலசிவ ..)

27 :

சகலமும் விழுங்கும் கதிர் ஒளி இன(ன்) மன

சலசம் அலர்த்தியிடு அருணாசலா (அருணாசலசிவ ..)

28 :

சாப்பாடு உன்னைச் சார்ந்து உணவா யான்

சாந்தமாய்ப் போவன் அருணாசலா (அருணாசலசிவ ..)

29 :

சித்தம் குளிரக் கதிர் அத்தம் வைத்து அமுத

வாயைத்திற அருண்மதி அருணாசலா (அருணாசலசிவ ..)

30 :

சீரை அழித்து நிர்வாணமாச் செய்து அருள்

சீரை அழித்து அருள் அருணாசலா (அருணாசலசிவ ..)

31 :

சுகக்கடல் பொங்கச் சொல் உணர்வு அடங்கச்

சும்மா பொருந்திடு அங்கு அருணாசலா (அருணாசலசிவ ..)

32 :

சூது செய்து என்னைச் சோதியாது இனி உன்

ஜோதி உருக்காட்டு அருணாசலா 9அ)

33 :

செப்படி வித்தை கற்று இப்படி மயக்கு விட்டு

உருப்படு வித்தை காட்டு அருணாசலா (அருணாசலசிவ ..)

34 :

சேராய் எனில் மெய் நீராய் உருகிக் கண்நீர்

ஆற்று அழிவேன் அருணாசலா (அருணாசலசிவ ..)

35 :

சை எனத் தள்ளில் செய்வினை சுடும் அலால்

உய்வகை ஏது உரை அருணாசலா (அருணாசலசிவ ..)

36 :

சொல்லாது சொலி நீ சொல் அற நில் என்று

சும்மா இருந்தாய் அருணாசலா (அருணாசலசிவ ..)

37 :

சோம்பியாய்ச் சும்மா சுகம் உண்டு உறங்கிடில்

சொல் வேறு என்கதி அருணாசலா (அருணாசலசிவ ..)

38 :

சௌரியம் காட்டினை சழக்கு அற்றது என்றே

சலியாது இருந்தாய் அருணாசலா (அருணாசலசிவ ..)

39 :

ஞமலியில் கேடா நான் என் உறுதியால்

நாடி நின் உறுவேன் அருணாசலா (அருணாசலசிவ ..)

40 :

ஞானம் இல்லாது உன் ஆசையால் தளர்வு அற

ஞானம் தெரித்தருள் அருணாசலா (அருணாசலசிவ ..)

41 :

ஞிமிறு போல் நீயும் மலர்ந்திலை என்றே

நேர் நின்றனை என் அருணாசலா (அருணாசலசிவ ..)

42 :

தத்துவம் தெரியாது அத்தனை உற்றாய்

தத்துவம் இது என் அருணாசலா (அருணாசலசிவ ..)

43 :

தானே தானே தத்துவம் இதனைத்

தானே காட்டுவாய் அருணாசலா (அருணாசலசிவ ..)

44 :

திரும்பி அகந்தனைத் தினம் அகக்கண் காண்

தெரியும் என்றனை என் அருணாசலா (அருணாசலசிவ ..)

45 :

தீரம் இல் அகத்தில் தேடி உந்தனை யான்

திரும்ப உற்றென்ன் அருள் அருணாசலா (அருணாசலசிவ ..)

46 :

துப்பறிவு இல்லா இப்பிறப்பு என் பயன்

ஒப்பிட வாய் ஏன் அருணாசலா (அருணாசலசிவ ..)

47 :

தூய்மன மொழியர் தோயும் உன் மெய் அகம்

தோயவே அருள் என் அருணாசலா (அருணாசலசிவ ..)

48 :

தெய்வம் என்று உன்னைச் சாரவே என்னைச்

சேர ஒழித்தாய் அருணாசலா (அருணாசலசிவ ..)

49 :

தேடாது உற்ற நல் திருவருள் நிதி அகத்

தியக்கம் தீர்த்து அருள் அருணாசலா (அருணாசலசிவ ..)

50 :

தைரியமோடும் உன் மெய் அகம் நாட யான்

தட்டழிந்தேன் அருள் அருணாசலா (அருணாசலசிவ ..)

51 :

தொட்டு அருட்கை மெய் கட்டிடாய் எனில் யான்

நட்டமாவேன் அருள் அருணாசலா (அருணாசலசிவ ..)

52 :

தோடம் இல் நீ அகத்தோடு ஒன்றி என்றும்

சந்தோடம் ஒன்றிட அருள் அருணாசலா (அருணாசலசிவ ..)

53 :

நகைக்கு இடம் இலை நின் நாடிய எனை அருள்

நகையிட்டுப் பார் நீ அருணாசலா (அருணாசலசிவ ..)

54 :

நாணிலை நாட்ட நானாய் ஒன்றி நீ

தாணுவா நின்றனை அருணாசலா (அருணாசலசிவ ..)

55 :

நின் எரி எரித்து எனை நீறு ஆக்கிடுமுன்

நின் அருள் மழை பொழி அருணாசலா (அருணாசலசிவ ..)

56 :

நீ நான் அறப்புலி நிதம் களிமயமா

நின்றிடும் நிலை அருள் அருணாசலா (அருணாசலசிவ ..)

57 :

நுன்ணுரு உனையான் விண்ணுரு நண்ணிட

எண்(ண) அலை இறும் என்று அருணாசலா (அருணாசலசிவ ..)

58 :

நூலறிவு அறியாப் பேதையன் எந்தன்

மால் அறிவு அறுத்து அருள் அருணாசலா (அருணாசலசிவ ..)

59 :

நெக்கு நெக்கு உருகி யான் புக்கிட உனைப்புகல்

நக்கனா நின்றனை அருணாசலா (அருணாசலசிவ ..)

60 :

நேசம் இல் எனக்கு உன் ஆசையைக் காட்டி நீ

மோசம் செயாது அருள் அருணாசலா (அருணாசலசிவ ..)

61 :

நைந்து அழி கனியால் நலன் இலை பதத்தில்

நாடி உட்கொள் நலம் அருணாசலா (அருணாசலசிவ ..)

62 :

நொந்திடாது உந்தனைத் தந்து எனைக் கொண்டிலை

அந்தகன் நீ எனக்கு அருணாசலா (அருணாசலசிவ ..)

63 :

நோக்கியே கருதி மெய் தாக்கியே பக்குவம்

ஆக்கி நீ ஆண்டு அருள் அருணாசலா (அருணாசலசிவ ..)

64 :

பற்றி மால்விடம் தலையுற்று இறுமுனம் அருள்

பற்றிட அருள்புரி அருணாசலா (அருணாசலசிவ ..)

65 :

பார்த்தருள் மால் அறப் பார்த்தினை எனின் அருள்

பார் உனக்கு ஆர் சொல்வர் அருணாசலா (அருணாசலசிவ ..)

66 :

பித்துவிட்டு உனை நேர் பித்தன் ஆக்கினை அருள்

பித்தம் தெளி மருந்து அருணாசலா (அருணாசலசிவ ..)

67 :

பீதிஇல் உனைச் சார் பீதியில் எனைச்சேர்

பீதி உந்தனக்கு ஏன் அருணாசலா (அருணாசலசிவ ..)

68 :

புல்லறிவு ஏது உரை நல்லறிவு ஏது உரை

புல்லிடவே அருள் அருணாசலா (அருணாசலசிவ ..)

69 :

பூமணம் மா மனம் பூரண மனம் கொளப்

பூரண மனம் அருள் அருணாசலா (அருணாசலசிவ ..)

70 :

பெயர் நினைத்திடவே பிடித்து இழுத்தனை உன்

பெருமை யார் அறிவர் அருணாசலா (அருணாசலசிவ ..)

71 :

பேய்த்தனம் விட விடாப்பேயாப் பிடித்து எனைப்

பேயன் ஆக்கினை என் அருணாசலா (அருணாசலசிவ ..)

72 :

பைங்கொடியா நான் பற்றின்றி வாடாமல்

பற்றுக் கோடாய்க் கா அருணாசலா (அருணாசலசிவ ..)

73 :

பொடியான் மயக்கி என் போதத்தைப் பறித்து உன்

போதத்தைக் காட்டினை அருணாசலா (அருணாசலசிவ ..)

74 :

போக்கும் வரவும் இல் பொது வெளியினில் அருட்

போராட்டம்காட்டு அருணாசலா (அருணாசலசிவ ..)

75 :

பௌதிகம் ஆம் உடல் பற்று அற்று நாளும் உன்

பவிசு கண்டுற அருள் அருணாசலா (அருணாசலசிவ ..)

76 :

மலைமருந்து இட நீ மலைத்திடவோ அருள்

மலை மருந்தாய் ஒளிர் அருணாசலா (அருணாசலசிவ ..)

77 :

மானங்கொண்டு உதுபவர் மானத்தை அழித்து

அபிமானமில்லாது ஒளிர் அருணாசலா (அருணாசலசிவ ..)

78 :

மிஞ்சிடில் கெஞ்சிடும் கொஞ்ச அறிவன்யான்

வஞ்சியாது அருள் எனை அருணாசலா (அருணாசலசிவ ..)

79 :

மீகாமன் இல்லாமல் மாகாற்று அலை கலம்

ஆகாமல் காத்தருள் அருணாசலா (அருணாசலசிவ ..)

80 :

முடு அடி காணா முடி விடுத்து அனைநேர்

முடுவிடக் கடனிலை அருணாசலா (அருணாசலசிவ ..)

81 :

மூக்கிலன் முன்காட்டும் முகுரம் ஆகாது எனைத்

தூக்கி அணைந்து அருள் அருணாசலா (அருணாசலசிவ ..)

82 :

மெய்யகத்தின் மன மென்மலர் அணையில் நாம்

மெய் கலந்திட அருள் அருணாசலா (அருணாசலசிவ ..)

83 :

மேன்மேல் தாழ்ந்திடும் மெல்லியர்ச் சேர்ந்து நீ

மேன்மை உற்றனை என் அருணாசலா (அருணாசலசிவ ..)

84 :

மை மயல் நீத்து அருள் மையினால் உனது உண்மை

வசம் ஆக்கினை அருணாசலா (அருணாசலசிவ ..)

85 :

மொட்டை அடித்தெனை வெட்ட வெளியில் நீ

நட்டம் ஆடினை என் அருணாசலா (அருணாசலசிவ ..)

86 :

மோகம் தவிர்த்து உன் மோகமா வைத்தும் என்

மோகம் தீராய் என் அருணசலா (அருணாசலசிவ ..)

87 :

மௌனியாய்க் கல்போல் மலராது இருந்தால்

மௌனம் இது ஆமோ அருணசலா (அருணாசலசிவ ..)

88 :

யவன் என் வாயில் மன்ணினை அட்டி

என் பிழைப்பு ஒழித்தது அருணசலா (அருணாசலசிவ ..)

89 :

யாரும் அறியாது என் மதியினை மருட்டி

எவர் கொளை கொண்டது அருணசலா (அருணாசலசிவ ..)

90 :

ரமணன் என்று உரைத்தேன் ரோசம் கொளாது

எனை ரமித்திடச் செயவா அருணசலா (அருணாசலசிவ ..)

91 :

ராப்பகல் இல்லா வெறு வெளி வீட்டில்

ரமித்திடுவோம் வா அருணசலா (அருணாசலசிவ ..)

92 :

லட்சியம் வைத்து அருள் அஸ்திரம் விட்டு எனை

பட்சித்தாய் பிராணனோடு அருணசலா (அருணாசலசிவ ..)

93 :

லாபம் நீ இகபரலாபம் இல் எனை உற்று

லாபம் என் உற்றனை அருணாசலா (அருணாசலசிவ ..)

94 :

வரும்படி சொலிலை வந்து என்படிஅள

வருந்திடு உன் தலைவிதி அருணசலா (அருணாசலசிவ ..)

95 :

வாவென்று அகம் புக்கு உன் வாழ்வு அருள் அன்றே

என் வாழ்வு இழந்தேன் அருள் அருணசலா (அருணாசலசிவ ..)

96 :

விட்டிடில் கட்டமாம் விட்டிடாது உனை உயிர்

விட்டிட அருள்புரி அருணசலா (அருணாசலசிவ ..)

97 :

வீடு விட்டு ஈர்த்து உளவீடு புக்குப் பைய உன்

வீடு காட்டினை அருள் அருணாசலா (அருணாசலசிவ ..)

98 :

வெளிவிட்டேன் உம்செயல் வெறுத்திடாது உன் அருள்

வெளிவிட்டு எனைக்கா அருணாசலா (அருணாசலசிவ ..)

99 :

வேதாந்தத்தே வேறு அற விளங்கும்

வேதப் பொருள் அருள் அருணாசலா (அருணாசலசிவ ..)

100 :

வைதலை வாழ்த்தா வைத்து அருட்குடியா

வைத்து எனை விடாது அருள் அருணாசலா (அருணாசலசிவ ..)

101 :

அம்புவில் ஆலிபோல் அன்பு உரு எனில் எனை

அன்பாக் கரைத்து அருள் அருணாசலா (அருணாசலசிவ ..)

102 :

அருணை என்று எண்ண யான் அருள் கண்ணி பட்டேன்

உன் அருள்வலை தப்புமோ அருணாசலா (அருணாசலசிவ ..)

103 :

சிந்தித்து அருள்படச் சிலந்தி போல் கட்டிச்

சிறையிட்டு உண்டனை அருணாசலா (அருணாசலசிவ ..)

104 :

அன்பொடு உன் நாமம் கேள் அன்பர்தம் அன்பருக்கு

அன்பன் ஆயிட அருள் அருணாசலா (அருணாசலசிவ ..)

105 :

என்போலும் தீனரை இன்புறக் காத்து நீ

எந்நாளும் வாழ்ந்து அருள் அருணாசலா (அருணாசலசிவ ..)

106 :

என்புருகு அன்பர்தம் இன் சொற்கொள் செவியும் என்

புன்மொழி கொள அருள் அருணாசலா (அருணாசலசிவ ..)

107 :

பொறுமையாம் பூதர புன்சொலை நன்சொலாப்

பொறுத்து அருள் இஷ்டம் பின் அருணாசலா (அருணாசலசிவ ..)

108 :

மாலையளித்து அருணாசல ரமண என்

மாலை அணிந்து அருள் அருணாசலா (அருணாசலசிவ ..)

அருணாசலசிவ அருணாசலசிவ

அருணாசலசிவ அருணாசலா !

அருணாசலசிவ அருணாசலசிவ

அருணாசலசிவ அருணாசலா !

அருணாசலம் வாழி அன்பர்களும் வாழி

அக்ஷர மணமாலை வாழி.